Një 78-vjeçar është gjetur pa shenja jete në banesën e tij në fshatin Bulgarec, ndërsa rrethanat e ngjarjes mbeten ende të paqarta.
Sipas informacioneve paraprake, i moshuari dyshohet se ka pasur shenja dhune në trup, çka ngre dyshime se vdekja mund të mos ketë qenë natyrale.
Grupi hetimor ka nisur menjëherë punën për zbardhjen e plotë të ngjarjes, ndërsa pista kryesore mbetet ajo e një krimi të mundshëm.
Forcat e policisë ndodhen në vendngjarje dhe po vijojnë veprimet hetimore për të sqaruar çdo rrethanë të rastit.
