Pak ditë më parë, JOQ ALBANIA publikoi rastin e vjedhjes së disa çokollatave nga një i mitur te kioska e stacionit të autobusit te shkolla “Harry Fultz”, Tiranë.
Por si ky hajdut çokollatash duket se ka edhe shumë të tjerë.
Pronarja e një super marketi në rrugën “Xhanfize Keko” i është drejtuar redaksisë tonë për të denoncuar një rast të ngjashëm që ka ndodhur ditën e sotme.
Ajo ka treguar se djali që shihni në pamje, ka vjedhur një sasi të madhe çokollatash dhe i ka futur në pantallona dhe poshtë bluzës.
Ndërkohë për të mos rënë në sy për vjedhjen e kryer, ai është interesuar edhe për disa pije alkoolike por si përfundim është larguar pa asgjë të blerë, vetëm çokollatat e vjedhura.
Pronarja e dyqanit u bën thirrje autoriteteve që të marrin masa ndaj individëve të tillë, ndërkohë që bizneset e tjera të jenë më të kujdesshëm.
