Mbrëmjen e djeshme, "Dardanët" kanë shënuar një fitore epike ndaj Sllovakisë me rezultatin 4-3, në një ndeshje që do të mbahet mend gjatë për emocionet dhe përmbysjet e shumta.
Kjo fitore në gjysmëfinalen e fazës play-off e dërgon Kosovën në finalen e madhe, ku do të vendoset fati i kualifikimit për në turneun më të rëndësishëm ndërkombëtar të futbollit.
Ndeshja ishte një "slitë" emocionesh për tifozët. Kosova tregoi karakter të jashtëzakonshëm duke arritur të mposhtë mbrojtjen e fortë sllovake. Me një sulm mjaft efikas, djemtë tanë arritën të tundin rrjetën katër herë, duke i bërë ballë presionit të vazhdueshëm të kundërshtarit që nuk u dorëzua deri në vërshëllimën finale.
Rruga drejt Kupës së Botës 2026 kalon tashmë përmes një sfide tjetër gjigante. Në finalen e këtij rrugëtimi, Kosova do të përballet me Turqinë, e cila siguroi biletën e finales pasi mposhti Rumaninë në gjysmëfinalen tjetër.
Kombëtarja e Kosovës do të përfitojë 500,000€ nga qeveria për fitoren e djeshme.
