Ëndrra e Kombëtares shqiptare për një vend në Botëror ka marrë fund, pasi Polonia arriti një përmbysje 2-1 në Varshavë.
Kuqezinjtë kaluan në avantazh në minutën e 43-të, kur Arbër Hoxha finalizoi me sukses një aksion të bukur. Gjithçka nisi nga rikuperimi i topit nga Mitaj, vijoi me një pasim të gjatë nga Ismajli dhe përfundoi me Hoxhën që shmangu portierin polak për të dërguar topin në rrjetë.
Pjesa e parë u mbyll me epërsinë minimale të Shqipërisë, por në fraksionin e dytë skuadra nuk arriti ta ruajë avantazhin.
Fillimisht, Robert Levandovski riktheu baraspeshën, ndërsa në minutën e 72-të Zielinski realizoi golin që i dha fitoren dhe kualifikimin Polonisë në këtë përballje të vlefshme për gjysmëfinalen e “play-off”-it të Botërorit.
