Situata për Kombëtaren Shqiptare vështirësohet ndjeshëm në pjesën e dytë të takimit. Në minutën e 73-të, Polonia ka arritur të gjejë rrugën e rrjetës për herë të dytë, duke dyfishuar avantazhin.
Goli erdhi nga ylli i polakëve, Piotr Zielinski, i cili u tregua i saktë brenda zonës, duke mposhtur portierin kuqezi dhe duke heshtur përkohësisht tifozët në shkallët e stadiumit.
Shqipëria po tenton të reagojë, por mbrojtja polake mbetet e organizuar mirë. Ndeshja po luhet me intensitet të lartë, por ky gol i dytë është një goditje e rëndë për moralin e skuadrës sonë.
Mbetet për t'u parë nëse trajneri do të bëjë ndryshime të shpejta në formacion për të kërkuar një përmbysje të mundshme në minutat e mbetura.
