Një video e pazakontë ka mbërritur në redaksinë tonë nga një qytetar i Kavajës, i cili ka zgjedhur një mënyrë krejt ndryshe për të shprehur pakënaqësinë e tij politike.
Gjatë një vizite në vendin e shenjtë të Qabes, në Mekë, qytetari shihet duke bërë një lutje që ka tërhequr vëmendje për përmbajtjen e saj të pazakontë. Në vend të një lutjeje tradicionale, ai i drejtohet Zotit me kërkesën që mandati i kryebashkiakut të Kavajës, Fisnik Qosja, të përfundojë sa më shpejt.
Në fjalët e tij, qytetari e cilëson kryebashkiakun si “tradhtar të kavajasve dhe demokratëve”, duke shprehur hapur zhgënjimin dhe revoltën e tij ndaj drejtimit të bashkisë.
Videoja ka nisur të ngjallë reagime, duke u bërë një shembull i mënyrës sesi pakënaqësitë politike po gjejnë forma gjithnjë e më të pazakonta shprehjeje, madje edhe në vende të shenjta, ku zakonisht mbizotërojnë lutjet për paqe, shëndet dhe mirësi.
