Drejtori ekzekutiv i BlackRock, Larry Fink, ka paralajmëruar se një rritje e çmimit të naftës deri në 150 dollarë për fuçi mund të çojë në një recesion global. Në një intervistë për BBC, ai theksoi se nëse Irani vijon të mbetet një faktor destabilizues dhe çmimet e energjisë qëndrojnë të larta, pasojat për ekonominë botërore do të jenë të thella.

Sipas Fink, ndikimi i tensioneve në Lindjen e Mesme është tashmë i dukshëm në tregjet financiare, të cilat po përballen me luhatje të forta për shkak të pasigurisë mbi kostot e energjisë. BlackRock, që menaxhon rreth 14 trilionë dollarë asete, konsiderohet një indikator kyç për shëndetin e ekonomisë globale dhe reagimet e investitorëve.

Ai paraqiti dy skenarë të mundshëm: nëse tensionet zbuten dhe Irani rikthehet në bashkëpunim me komunitetin ndërkombëtar, çmimet e naftës mund të bien ndjeshëm. Por nëse kriza përshkallëzohet, çmimet mund të qëndrojnë mbi 100 dollarë për fuçi dhe të arrijnë deri në 150 dollarë, një situatë që sipas Fink do të rrezikonte një recesion të fortë dhe të shpejtë global.