Një 28-vjeçar shqiptar është arrestuar nga policia italiane në zonën e Alba Adriatica, në provincën e Askolit, nën akuzën për posedim dhe shpërndarje të lëndëve narkotike.
I riu, i identifikuar me inicialet M.A., rezulton me precedentë të mëparshëm penalë dhe dyshohet se ishte pjesë e një rrjeti shpërndarësish droge që operonte në zonë, sipas mediave italiane.
Gjatë kontrollit të ushtruar në banesën e tij, autoritetet zbuluan rreth 25 gramë kokainë, një peshore precize si dhe materiale të ndryshme për paketimin e dozave. Po ashtu, u sekuestruan edhe 3.800 euro cash, që dyshohet se janë përfituar nga aktiviteti i paligjshëm.
28-vjeçari u arrestua në flagrancë dhe, me urdhër të Prokurorisë së Teramos, u vendos në masën e arrestit shtëpiak.
Ndërkohë, hetimet vijojnë për të zbuluar persona të tjerë të përfshirë në këtë rrjet dhe për të parandaluar shpërndarjen e mëtejshme të lëndëve narkotike në zonë.
