Një video që po qarkullon me shpejtësi në rrjet ka ndezur një debat të fortë mbi mënyrën si po sillemi në momentet më kulminante të jetës.
Pamjet tregojnë një grua shtatzënë në shtratin e spitalit, e lidhur me pajisje monitorimi, e cila shfaqet e përqendruar te telefoni dhe duke konsumuar ushqim. Në të njëjtën dhomë ndodhen edhe dy fëmijë të vegjël dhe partneri i saj, por vëmendja e saj duket e zhvendosur thuajse plotësisht nga realiteti përreth.
Mënyrë për të përballuar dhimbjen apo shenjë varësie?
Këtu ndahet edhe opinioni publik. Një pjesë e madhe e ndjekësve e shohin këtë si një sinjal shqetësues, ku ekrani duket se merr përparësi edhe në një moment kaq të rëndësishëm si lindja e një fëmije. Sipas tyre, mungesa e përqendrimit dhe shkëputja nga familja në atë çast ngre pikëpyetje serioze për mënyrën si po ndryshojnë vlerat dhe prioritetet.
Nga ana tjetër, nuk mungojnë as zërat që e justifikojnë këtë sjellje. Disa nëna sugjerojnë se telefoni mund të shërbejë si një mekanizëm për të përballuar stresin dhe dhimbjen, një mënyrë për të shpërqendruar mendjen nga ankthi, kontraksionet dhe frika që shoqëron këtë proces.
Në këtë këndvështrim, nuk bëhet fjalë për varësi, por për një formë “arratisjeje” të përkohshme nga një situatë e vështirë.
Pyetja mbetet e hapur:
A kemi të bëjmë me një shenjë të një shoqërie gjithnjë e më të varur nga teknologjia, apo thjesht me një mënyrë moderne për të përballuar një nga momentet më sfiduese të jetës?
Po ju, si e shihni këtë situatë?
