Ish-futbollist i KF Dukagjinit, Jetmir Isufi dyshohet se sot gjatë ditës ka vrarë me armë zjarri vëllain e tij, Faruk Isufin.
I dyshuari është arrestuar në vendin e ngjarjes, ku është sekuestruar arma dhe tre gëzhoja që dyshohet se janë përdorur për ta kryer vrasjen.
Para shkrepjes së armës, dy vëllezërit kanë pasur një konflikt verbal me njëri-tjetrin.
Zëdhënësi i policisë për rajonin e Pejës, Fadil Gashi ka deklaruar se organet kompetente kanë filluar procedurat për zbardhjen e së vërtetës.
“Rreth orës 15:10 policia është njoftuar se, pas një fjalosjeje mes dy vëllezërve, njëri nga ta e qëlloi tjetrin me armë. Viktima u dërgua në Spitalin Rajlonal. Pak para se të nisej në drejtim të QKUK-së për tretman mjekësor, viktima ndërroi jetë. Në vendin e ngjarjes kanë dalur njësitet relevante të policisë dhe Prokurorisë”, ka thënë ai.
