Një lider iranian u vra në sulmet e natës, vetëm disa orë pasi kishte kërcënuar hapur SHBA-në gjatë një daljeje televizive.
Garda Revolucionare Islamike (IRGC) konfirmoi se zëdhënësi i saj, Ali Mohammad Naini, 68 vjeç, u vra në një sulm të përbashkët të SHBA-së dhe Izraelit. Sipas raportimeve, ai kishte dalë në TV pak para sulmit, duke lëshuar kërcënime direkte ndaj Shteteve të Bashkuara.
Vrasja e tij vjen në kuadër të një serie atentatesh ndaj zyrtarëve të lartë iranianë në javët e fundit, që kanë goditur strukturat drejtuese të vendit.
Ndërkohë, në Britani, një shtetas iranian dhe një grua u arrestuan pasi tentuan të hynin në bazën detare Faslane, ku ndodhen nëndetëset bërthamore britanike. Autoritetet thanë se dyshja u soll në mënyrë të dyshimtë dhe hetimet janë në vijim.
