Chuck Norris, kampioni i arteve marciale që u shndërrua në një ikonë të filmave aksion dhe protagonisti i serialit të suksesshëm Walker, Texas Ranger, ka ndërruar jetë në moshën 86-vjeçare.
Norris u shtrua në spital në Hawaii të enjten, ndërsa familja e tij publikoi një deklaratë të premten duke njoftuar se ai ndërroi jetë atë mëngjes.
“Për botën, ai ishte një artist marcial, aktor dhe simbol force. Për ne, ai ishte një bashkëshort i përkushtuar, një baba dhe gjysh i dashur, një vëlla i jashtëzakonshëm dhe zemra e familjes sonë,” thuhet në reagimin e familjes.
Si yll i filmave aksion, Norris kishte një besueshmëri që pak të tjerë mund ta arrinin. Ai luajti përkrah legjendës Bruce Lee në filmin e vitit 1972 The Way of the Dragon, si dhe ishte një kampion i vërtetë i arteve marciale. Norris zotëronte disa grada të larta të rripave të zinj, përfshirë në judo, Brazilian Jiu-Jitsu (shkalla e tretë), karate (shkalla e pestë), taekwondo (shkalla e tetë), Tang Soo Do (shkalla e nëntë) dhe Chun Kuk Do (shkalla e dhjetë).
