Një moment i veçantë është regjistruar mbrëmjen e kaluar gjatë përballjes mes Manchester City dhe Real Madrid, ku në shkallët e stadiumit është parë të valëvitet flamuri shqiptar.
Pamjet tregojnë qartë praninë e simbolit kuqezi mes mijëra tifozëve, duke tërhequr vëmendjen dhe krenarinë e shqiptarëve kudo që ndodhen. Edhe pse ndeshja ishte një nga më të ndjekurat në arenën europiane, ky detaj nuk kaloi pa u vënë re nga publiku shqiptar.
Nuk është hera e parë që flamuri shqiptar shfaqet në evente të mëdha sportive ndërkombëtare, duke dëshmuar prezencën e fortë të tifozëve shqiptarë në stadiumet më prestigjioze të botës. Një simbol që, përtej rezultatit të ndeshjes, rikujton identitetin dhe pasionin e një kombi që nuk mungon kurrë në skena të mëdha.
