Mëngjesi i kësaj të mërkure ka sjellë reshje të lehta dëbore në qarkun e Korçës, kryesisht në aksin rrugor Boboshticë–Dardhë.
Ndonëse jemi në pranverë, zona malore e Dardhës është përballur me një rikthim të përkohshëm të motit dimëror, ku në orët e para të ditës është regjistruar borë me intensitet të ulët.
Për të shmangur vështirësitë në lëvizje, autoritetet bëjnë të ditur se ekipet e mirëmbajtjes kanë ndërhyrë në kohë, duke pastruar dhe kriposur rrugën për të siguruar qarkullim normal dhe të sigurt.
Ndërkohë, në zonat e tjera të qarkut nuk raportohen reshje dëbore.
