Një aksident i rëndë është regjistruar në Tiranë, pranë Gjykatës së Tiranës, ku një autobot i Ujësjellës Kanalizime Tiranë (UKT) ka përplasur një grua që lëvizte me motoçikletë. Si pasojë e përplasjes së fortë, drejtuesja e motoçikletës ka humbur jetën në vendngjarje, duke tronditur kalimtarët dhe zonën përreth.
Deri më tani nuk dihen rrethanat e plota të aksidentit, ndërsa forcat e policisë kanë mbërritur menjëherë në vendin e ngjarjes dhe po punojnë për zbardhjen e tij. Grupi hetimor po mbledh prova dhe dëshmi për të përcaktuar shkaqet që çuan në këtë ngjarje tragjike.
