Në Spitalin e Lushnjës, reanimacioni i lindjeve paraqet një rrezik të jashtëzakonshëm për pacientët.
Fijet e kabujve elektrikë janë të ekspozuara dhe nuk ka asnjë masë mbrojtëse izoluese, ndërsa lagështia dhe myku në mure krijojnë kushte të rrezikshme për shëndetin.
Pamjet e këtij institucioni, që duhet të ofrojë standarde maksimale higjieno-sanitare dhe siguri, janë alarmante. Pacientët që vijnë për shërim rrezikojnë përkeqësimin e gjendjes së tyre për shkak të kushteve të papërshtatshme.
Por në të tilla raste, përgjegjësia nuk bie vetëm mbi drejtuesit lokalë por edhe te Ministria e Shëndetësisë dhe Mbrojtjes Sociale me në krye Evis Salën e cila duhet të japë shpjegime për gjendjen e spitaleve publike dhe mungesën e investimeve të dukshme. Deklaratat për reforma dhe modernizim janë të pamjaftueshme, kur realiteti tregon lagështi, myk dhe mungesë transparence.
Shëndetësia publike kërkon llogaridhënie, kontrolle të rrepta dhe ndërhyrje të menjëhershme – jo justifikime.
