Një minator mbeti i plagosur pas një aksidenti gjatë turnit të natës në minierën e bakrit në Spaç. Edmond Gjikolaj, 48 vjeç, u dëmtua rëndë pas shkëputjes së një masivi shkëmbor, duke shkaktuar plagë serioze. Menjëherë pas incidentit, ai u transportua me urgjencë në Spitalin e Traumës në Tiranë, ku fatmirësisht ndodhet jashtë rrezikut për jetën.
Uniformat blu dhe Inspektoriati i Punës kanë nisur hetimet në terren për të verifikuar nëse janë respektuar rregullat e sigurisë teknike në galeritë e kompanisë “Tete Albania”. Autoritetet po shqyrtojnë mënyrën se si ka ndodhur aksidenti dhe masat e sigurisë që ishin aplikuar në vendin e punës.
Hetimi po mbikëqyret nga Prokuroria, e cila do të përcaktojë shkaqet e plota të ngjarjes dhe përgjegjësinë e mundshme të subjektit privat.
