Të shtëna me armë zjarri janë raportuar mbrëmjen e sotme në lagjen nr.1 të qytetit të Sarandës. Menjëherë pas njoftimit, në vendngjarje kanë mbërritur forca të shumta policie, të cilat kanë rrethuar zonën dhe kanë nisur verifikimet.
Sipas informacionit paraprak, në vendin e ngjarjes janë gjetur gëzhoja. Dyshohet se të shtënat janë kryer rreth tri herë në ajër.
Autoritetet po vijojnë hetimet dhe pritet që të dalin detaje të tjera në lidhje me ngjarjen.
