Një bari nga Libani ka nisur një udhëtim të gjatë dhe të vështirë për t’i shpëtuar zonave të rrezikuara në jug të vendit, duke marrë me vete edhe kopenë e tij të dhive. Ai ka filluar udhëtimin nga qyteti kufitar Naqoura, pika më jugore e Libanit, dhe prej dy ditësh ecën në këmbë së bashku me bagëtinë për të gjetur siguri.
Të mërkurën në mbrëmje, bariu arriti në qytetin Sidon, por udhëtimi i tij ende nuk ka përfunduar. Ai po largohet nga malet e jugut të Libanit pas frikës së përshkallëzimit të situatës dhe thirrjeve për evakuim në zonë.
Destinacioni i tij është Bekaa Perëndimore, një rrugë prej rreth 128 kilometrash që kalon përmes terreneve, kodrinore dhe malore. Bariu thotë se udhëtimi mund të zgjasë edhe disa ditë të tjera, derisa të arrijë në një vend më të sigurt për veten dhe kopenë e tij.
Historia e tij është një tjetër dëshmi e vështirësive që përjetojnë civilët gjatë konflikteve, ku shpesh detyrohen të lënë pas gjithçka për të kërkuar siguri.
