Një zjarr i fuqishëm ka rënë mbrëmjen e kësaj të enjteje në një pallat në rrugën “Ali Demi” në Tiranë, duke shkaktuar panik tek banorët e zonës.
Sipas informacioneve paraprake, flakët kanë përfshirë katin e parë të godinës në rrethana ende të paqarta. Zjarri është përhapur me shpejtësi, ndërsa tymi i dendur ka mbushur ambientet e pallatit.
Si pasojë e ngjarjes tragjike, një i moshuar invalid ka humbur jetën. Dyshohet se ai ka ndërruar jetë nga asfiksia e shkaktuar nga tymi.
Në vendngjarje kanë mbërritur ekipet e zjarrfikëses, të cilat kanë punuar për shuarjen e flakëve dhe vënien nën kontroll të situatës. Gjithashtu, në zonë janë dislokuar edhe ambulanca për të përballuar çdo emergjencë të mundshme.
Autoritetet pritet të zbardhin rrethanat e plota të zjarrit dhe shkaqet që çuan në këtë ngjarje të rëndë.
