Një ngjarje e rëndë është regjistruar mbrëmjen e djeshme në Tiranë, ku një 47-vjeçar është gjetur i pajetë brenda banesës së tij.
Sipas informacioneve paraprake, rreth orës 21:40, në rrugën “Sotir Caci”, dyshohet se shtetasi me iniciale B.G., 47-vjeç, ka qëlluar veten me armë zjarri pistoletë në banesën e tij.
Në vendngjarje kanë mbërritur shërbimet e policisë dhe grupi hetimor, ndërsa arma e zjarrit është sekuestruar në cilësinë e provës materiale.
Autoritetet bëjnë me dije se hetimet janë në vijim për të sqaruar plotësisht rrethanat e kësaj ngjarjeje.
Shënim: Rasti është bërë publik nga Policia e Shtetit për mediat gjatë ditës së sotme.
