Banorët që jetojnë pranë liqenit Farkës, në Tiranë, thonë se kamionët e kantiereve të ndërtimeve në zonë po u krijojnë probleme serioze.
Ata tregojnë se kamionët kalojnë gjatë gjithë ditës dhe natës, duke lënë pas sasi të mëdha pluhuri që mbulon rrugët dhe shtëpitë e tyre.
Përveç rrugëve plot me pluhur, banorët thonë se kjo situatë ka krijuar shqetësime edhe për shëndetin e familjarëve dhe jetesën e përditshme.
Banorët tregojnë se punimet pranë liqenit vazhdojnë, por nuk ka asnjë kujdes për pastrimin e rrugëve. Ata kërkojnë ndërhyrje të menjëhershme nga autoritetet për të siguruar pastrimin dhe kontrollin e pluhurit, si dhe për të rregulluar infrastrukturën rrugore që po përkeqësohet nga aktiviteti i kamionëve.
Denoncimi i qytetarit:
Pershendetje JOQ! Si jeni. Na mbyten kamionat me pluhur te shpia a mund ta publikoni. Te liqeni farkes po bohen punime
Por nderkoh kamionat kalojn naten diten dhe po na mbysin me pluhur Rrugen nuk e lajn fare
