Kryeministri Edi Rama, teksa foli për çështjen e ministres së Infrastrukturës Belinda Balluku, zgjodhi të rendisë një sërë veprash infrastrukturore që sipas tij përbëjnë histori suksesi të qeverisë në vitet e fundit. Rama përmendi disa nga akset kryesore rrugore të ndërtuara apo përfunduara gjatë kësaj periudhe, duke i cilësuar si investime me vlerë të madhe për vendin, pavarësisht kritikave dhe problemeve të raportuara në terren.
Por ndërsa nga foltorja e politikës flitet për “punë kolosale”, realiteti në disa prej këtyre akseve rrugore duket më pak optimist. Në ditët e fundit janë raportuar shembje, çarje dhe dëmtime serioze në një sërë rrugësh në të gjithë vendin, ndërkohë që mbi 1 miliardë euro janë investuar vetëm në dy vitet e fundit në infrastrukturë. Në disa zona muret mbajtëse janë rrëzuar, segmentet janë bërë të pakalueshme dhe siguria e qarkullimit është vënë në pikëpyetje.
Nga Veriu në Jug, ja cilat janë rrugët e çara e të shkërmoqura të Ballukut, për të cilat Rama i bëri sot elozhe punës së saj:
