Banorët e fshatit Hot i Ri, Shkodër kanë ngritur shqetësimin për gjendjen e rënduar të rrugës kryesore e cila sipas tyre është bërë pothuajse e pakalueshme, veçanërisht gjatë ditëve me reshje shiu.
Sipas një denoncimi të mbërritur nga një qytetar, rruga mbushet me baltë dhe ujë sa herë që bie shi, duke vështirësuar ndjeshëm lëvizjen e banorëve dhe duke rrezikuar veçanërisht fëmijët që shkojnë çdo ditë në shkollë.
Sipas banorëve, problemet kryesore të rrugës janë: grumbullimi i baltës dhe ujit pas reshjeve,gropa dhe deformime të shumta në asfalt, që rrezikojnë automjetet dhe këmbësorët dhe mungesa e mirëmbajtjes dhe e sinjalistikës rrugore.
Banorët kërkojnë ndërhyrje urgjente nga institucionet përgjegjëse për rehabilitimin e rrugës, duke theksuar se gjendja aktuale rrezikon përditë sigurinë e komunitetit.
Në denoncimin e tij, qytetari i bën thirrje edhe kryetarit të Benet Beci që të vizitojë nga afër zonën dhe të shohë situatën në terren.
Denoncimi i qytetarit:
Dua të bëj një denoncim shumë urgjent për gjendjen e rrugës ne fshatin HOT I RI SHKODER Situata është katastrofike dhe çdo ditë rrezikon jetën e fëmijëve dhe qytetarëve që e përdorin këtë rrugë.
Kur bie shi, rruga mbushet me baltë dhe ujë të grumbulluar, duke e bërë pothuajse të pamundur kalimin. Fëmijët që duhet të shkojnë në shkollë shpesh detyrohen të kalojnë trotuare të rrëshqitshme ose të zhytura në baltë, gjë që është jashtëzakonisht e rrezikshme. Shumë prej tyre mund të rrëshqasin, të lëndohen ose të rrezikojnë të goditen nga automjete
Problemet kryesore të rrugës janë:
• Baltë dhe ujë i grumbulluar pas reshjeve të shiut
• Gropa dhe deformime të shumta që rrezikojnë automjetet dhe këmbësorët
• Mungesa e mirëmbajtjes dhe e sinjalistikës, duke e bërë rrugën të pasigurt për çdo përdoruesKjo situatë është e papranueshme dhe kërkon ndërhyrje urgjente. Ju lutem, ndërmerrni masat e nevojshme për riparimin e rrugës, në mënyrë që fëmijët dhe qytetarët të mund te levizin mir Dua ti bej dhe thirrje benet becit te vin ta vizitojn fshatin dhe ta shohin qfar gjende esht
