Një pikë këmbimi valutor është grabitur pak më parë në zonën e 5 Maji në Tiranë. Sipas informacioneve paraprake, një person i armatosur ka hyrë në ambientet e pikës së këmbimit, e cila ndodhet brenda një qendre tregtare, dhe nën kërcënimin e armës ka marrë një shumë parash.
Pas grabitjes, autori është larguar me vrap nga qendra tregtare, ndërsa në vendngjarje kanë mbërritur shërbimet e policisë që kanë nisur hetimet për identifikimin dhe kapjen e tij. Ende nuk dihet shuma e saktë e parave të marra.
