Banorët e Fushë-Krujës i janë drejtuar redaksisë tonë për të shprehur shqetësimin e tyre për gjendjen e rrugës “Kastriotit”, një nga rrugët kryesore të zonës, ku gjysma është e rregulluar ndërsa gjysma tjetër mbetet e dëmtuar dhe me gropa.
Sipas qytetarëve, kjo situatë po krijon probleme serioze për qarkullimin e automjeteve.
Njëri nga banorët shprehet me shqetësim se çdo ditë po u prishen makinat por askush s’do t’ia dijë pavarësisht ankesave të shumta që kanë bërë.
Banorët theksojnë se gjendja e rrugës ka ndikuar edhe në sigurinë e fëmijëve dhe të moshuarve që e përdorin rrugën çdo ditë.
Ata kërkojnë ndërhyrje urgjente nga autoritetet lokale për riparimin e pjesës së dëmtuar dhe mirëmbajtjen e vazhdueshme të rrugës.
