Një qytetar i është drejtuar redaksisë tonë për të denoncuar një situatë të rëndë që është krijuar në aksin rrugor Librazhd–Prrenjas, i cili është bllokuar prej 2 javësh për shkak të shembjeve masive.
Sipas qytetarit, në të njëjtin vend ku rruga është bllokuar, tani ka nisur një rrëshqitje masive dheu, e cila ka përfshirë një sipërfaqe të konsiderueshme dhe ka krijuar rrezik serioz për banesat pranë rrugës.
Masa e dheut vijon të jetë e paqëndrueshme, duke shtuar frikën e banorëve për përkeqësim të mëtejshëm të situatës, veçanërisht nëse reshjet e shiut rikthehen në ditët në vijim.
Banorët e zonës apelojnë për ndërhyrje të menjëhershme nga autoritetet për stabilizimin e terrenit, pastrimin e masës së dheut dhe garantimin e sigurisë për banesat dhe përdoruesit e rrugës. Ata shprehen të shqetësuar se situata mund të përshkallëzohet, duke rrezikuar jo vetëm pronat, por edhe jetën e njerëzve që kalojnë në këtë segment.
Ndërkohë rikujtojmë se si pasojë e rrëshqitjes, qarkullimi në aksin Librazhd–Përrenjas është ndërprerë, ndërsa drejtuesit e mjeteve janë detyruar të kthehen pas ose të përdorin rrugë alternative. Deri në këto momente nuk ka një njoftim zyrtar se kur do të bëhet e mundur hapja e plotë e rrugës.
Denoncimi i qytetarit:
Pershendetje Joq, ne rrugen librazhd perrejas aty ku rane guret heren e pate ka rreshkitje masive te dheur dhe rrezikonen banesat dhe rruga linrazhd perrejas
