Një 19-vjeçare nga Gjermania, e identifikuar si Maryam Assaf, është arrestuar me qëllim ekstradimi, pasi ishte shpallur në kërkim ndërkombëtar për trafik droge. Sipas njoftimit të Policisë, e reja ishte dënuar me 10 vite burgim nga Gjykata e Hanoverit në qershor 2025, për veprimtari kriminale në fushën e narkotikëve.
Arrestimi i saj u krye në kuadër të bashkëpunimit ndërkombëtar mes autoriteteve ligjzbatuese, ndërsa ndaj 19-vjeçares është vendosur masa e arrestit provizor në pritje të përfundimit të procedurave për ekstradimin drejt Gjermanisë. Autoritetet po vijojnë veprimet ligjore për dorëzimin e saj pranë drejtësisë gjermane.
