Ushtria e SHBA ka dhënë një përditësim të ri lidhur me operacionet ushtarake kundër objektivave iraniane, duke konfirmuar goditjen e një anijeje luftarake iraniane në Gjirin e Omanit.
Sipas raportimeve të mediave ndërkombëtare, forcat amerikane kanë sulmuar një anije të klasit “Jamaran”, që i përket flotës së Iranit. Bëhet fjalë për një anije të tipit shkatërrues (destroyer), pjesë e programit detar ushtarak të Teheranit.
Në reagimin zyrtar, ushtria amerikane thekson se anija ndodhet aktualisht duke u fundosur pranë një skelë në zonën e Chah Bahar, në Gjirin e Omanit.
“Anija aktualisht po fundoset në Gjirin e Omanit, në një skelë në Chah Bahar. Siç tha presidenti, anëtarët e forcave të armatosura të Iranit, IRGC-së dhe policisë ‘duhet të ulin armët’. Braktisni anijen”, thuhet në deklaratë.
Ngjarja vjen në një moment tensionesh të larta mes Uashingtonit dhe Teheranit, ndërsa situata në Lindjen e Mesme vijon të përshkallëzohet. Deri më tani nuk ka informacion të konfirmuar për viktima apo për reagimin zyrtar të autoriteteve iraniane.
Pritet që zhvillimet e radhës të qartësojnë më tej pasojat e këtij sulmi dhe ndikimin që mund të ketë në përplasjen mes dy vendeve.
