Banorët e Sharrës, në Komunën Vaqarr, janë të detyruar të shtrojnë vetë rrugën e fshatit, pasi bashkia dhe institucionet shtetërore i kanë lënë në harresë.
Ata thonë se po përballen me një situatë shumë të vështirë pasi gjendja e rrugëve është përkeqësuar nga kalimi i automjeteve të rënda dhe mungesa e mirëmbajtjes.
Si pasojë, lëvizja e përditshme është e vështirë, ndërsa rreziku për aksidente, veçanërisht për këmbësorët, është rritur ndjeshëm.
Banorët kërkojnë ndërhyrje urgjente nga autoritetet komunale dhe shtetërore, duke theksuar se riparimet e improvizuara nuk përbëjnë një zgjidhje afatgjatë. Situata tregon, sipas tyre, mungesë përgjegjësie nga institucionet përkatëse.
Denoncimi i qytetarit:
Pershendetje joq shikojeni pak kte vidion si e shtrojm rrugen vet banoret e sharres komuna vaqarr. Se ketu s ka shtet
