Një aksident tragjik me pasojë vdekjen është regjistruar mbrëmjen e sotme në Durrës, ku një i moshuar ka humbur jetën pasi është përplasur nga një automjet.
Ngjarja ka ndodhur rreth orës 19:30, në aksin rrugor Shkozet–Plepa. Sipas njoftimit zyrtar të policisë, një 23-vjeçar me inicialet S. N., duke drejtuar automjetin e tij, ka përplasur shtetasin D. T., 81 vjeç, i cili po lëvizte në këmbë.
Si pasojë e përplasjes së fortë, 81-vjeçari ka ndërruar jetë në vendngjarje.
Drejtuesi i mjetit është shoqëruar në Komisariat për veprime të mëtejshme procedurale, ndërsa grupi hetimor ndodhet në vendin e ngjarjes dhe po punon për të zbardhur rrethanat e plota të aksidentit.
