Trupi i pajetë i një gruaje 58-vjeçare është gjetur në Berat, ndërsa dyshohet se ajo është vetëmbytur në lumin Osum.
Sipas policisë, familjarët kanë bërë të mundur nxjerrjen e trupit nga lumi në orët e para të mëngjesit të kësaj të premteje.
Të afërmit kanë deklaruar se 58-vjeçarja vuante nga probleme të shëndetit mendor dhe ishte larguar nga banesa një ditë më parë, rreth orës 19:00.
Berat/Informacion paraprak
Rreth orës 07:40, është nxjerrë nga familjarët, nga ujërat e lumit Osum, trupi i pajetë i shtetases M. M., 58 vjeçe, e cila dyshohet se është vetëmbytur në lumë.
Sipas deklarimit të familjarëve, shtetasja vuante nga probleme të shëndetit mendor, dhe ishte larguar nga banesa, dje, rreth orës 19:00. Grupi hetimor është në vendngjarje dhe po punon për sqarimin dhe dokumentimin e rrethanave të rastit.
