Edi Rama ka larguar Belinda Ballukun nga qeveria, por duket se është kujdesur që "hija" e saj të mbetet më e fortë se kurrë në kabinet. Emërimi i Ermal Nufit në postin e Ministrit të Mbrojtjes është dëshmia e qartë se besnikët e ish-zv.kryeministres po promovohen në pikat më nevralgjike të shtetit. Nufi, i cili deri dje mbante detyrën e Drejtorit të Kabinetit të Ballukut, tashmë do të drejtojë ushtrinë dhe mbrojtjen e vendit.
Ermal Nufi nuk është një emër i panjohur në korridoret e pushtetit, sidomos aty ku vendosen fatet e investimeve të mëdha. Megjithëse në moshë të re, ai ka arritur të koleksionojë një numër të lartë postesh kyçe, pothuajse të gjitha nën varësinë direkte të Ballukut:
Me një sfond akademik në drejtësi (diplomuar në vitin 2010) dhe përvojë si avokat e pedagog i jashtëm, Nufi vjen në krye të Mbrojtjes pa asnjë lidhje organike me sektorin ushtarak. Kalimi i tij nga drejtimi i bordeve të rrugëve dhe kadastrës drejt Ministrisë së Mbrojtjes shihet nga skeptikët si një lëvizje strategjike e Ramës për të mbajtur modelin e Ballukut gjallë, duke ricikluar stafin e saj të ngushtë në poste ministrore.
Ndërsa Shqipëria përballet me sfida të sigurisë dhe nevoja për modernizim të forcave të armatosura, mbetet për t'u parë nëse Ermal Nufi do të jetë një ministër i mbrojtjes së vendit apo thjesht një "këshilltar ligjor" i deleguar për të ruajtur ekuilibrat e brendshëm të Partisë Socialiste.
