Një qytetar i është drejtuar redaksisë sonë për të ndarë një ngjarje shqetësuese me të cilën është përballur teksa udhëtonte në aksin Elbasan-Librazhd.
Një furgon është parë duke lëvizur me derën e pasme të hapur, duke krijuar shqetësim për sigurinë e automjeteve të tjera. Pamjet e regjistruara tregojnë se dera e furgonit nuk është mbyllur si duhet, gjë që rrit rrezikun e rënies së sendeve të ngarkuara dhe aksidenteve në rrugë.
Më shqetësuese është se mjeti lëvizte me shpejtësi të konsiderueshme, edhe në kthesa të mprehta, duke e bërë situatën potencialisht fatale për këdo që ndodhet pranë.
