I quajtur ndryshe “Papagalli Dracula”, por i njohur zyrtarisht si Pesquet's parrot, ky shpend i rrallë spikat për pamjen dramatike: pendë të zeza intensive dhe kraharor në të kuqe të thellë. Ai jeton në pyjet tropikale të New Guinea, ku silueta e tij gotike bie menjëherë në sy mes gjelbërimit të dendur.
Ndryshe nga shumë papagaj të tjerë, dieta e tij përbëhet kryesisht nga fiqtë. Fytyra pjesërisht pa pendë nuk është rastësi estetike, por një përshtatje praktike që e mbron nga ngjitja e lëngut të frutave gjatë ushqimit. Kjo veçori i jep zogut një pamje edhe më të pazakontë, duke e bërë të duket si personazh i dalë nga një ilustrim fantastik.
Megjithatë, pas kësaj bukurie të rrallë fshihet një realitet shqetësues, shpyllëzimi dhe tregtia e paligjshme e pendëve kanë bërë që kjo specie të konsiderohet e cenueshme. Një krijesë 100% reale, që për shumëkënd ngjan si një simbol natyror me nuanca të zeza dhe të kuqe ngjyra që të kujtojnë edhe flamurin kombëtar shqiptar.
