Një qytetare nga Tirana ka denoncuar pranë redaksisë së JOQ Albania gjendjen skandaloze të produkteve ushqimore në Big Market, tek pallatet Derveni në zonën e Kombinatit.
Ajo ka publikuar pamje ku duken qartë makarona të markës “Prima”, me paketim të ri dhe çmim më të lartë, të mbushura me miza, ndërkohë që ndodheshin në raftet e dyqanit për t’u shitur tek konsumatorët.
Qytetarja kërkon ndërhyrjen e menjëhershme të institucioneve përkatëse për të kryer kontrolle në terren, me qëllim parandalimin e tregtimit dhe konsumimit të këtyre produkteve, si dhe garantimin e sigurisë ushqimore për qytetarët.
