Dy automjete janë përfshirë nga flakët gjatë natës në Ksamil, duke shkaktuar dëme të konsiderueshme. Sipas raportimeve, të dy makinat janë në pronësi të biznesmenit Rexhep Korbi, i cili është pronar i një restoranti dhe një plazhi në bregdetin e Ksamilit.
Ngjarja dyshohet të ketë qenë e qëllimshme, ndërsa hetimet e policisë janë fokusuar në pistën e konfliktit të pronësisë. Autoritetet kanë nisur procedurat për zbardhjen e plotë të rastit dhe identifikimin e autorëve të incidentit.
