Mes brohorimave dhe numërimit mbrapsht të turmës, kastori më i famshëm në botë, Punxsutawney Phil, u nxor nga strofulla e tij në agim në Gobbler’s Knob. Sapo doli në dritë, Phil u ngrit lart nga organizatorët e ceremonisë dhe, sipas traditës, “vështroi” për hijen e tij. Meqë qielli ishte i kthjellët dhe hija u duk qartë mbi tokë, u shpall zyrtarisht verdikti, edhe gjashtë javë të tjera dimër.
Rituali zhvillohet çdo vit me të njëjtin skenar simbolik: anëtarët e klubit lokal lexojnë “mesazhin” e Phil-it, i cili thuhet se u pëshpërit në “gjuhën e kastorëve”. Nëse ai sheh hijen për shkak të diellit, dimri zgjatet; nëse nuk e sheh, pranvera vjen më herët. Edhe pse parashikimi është folklorik dhe më shumë argëtues sesa shkencor, momenti transmetohet live dhe ndiqet nga miliona njerëz, duke e kthyer Phil-in në një nga “meteorologët” më të famshëm në botë.
