Policia ka arrestuar autorin e dyshuar të vrasjes së 48-vjeçarit në Kavajë, ngjarje e ndodhur mesditën e djeshme në lagjen nr. 3 të qytetit.
Në pranga është vënë shtetasi Landi Puja, 48 vjeç, i cili dyshohet se rreth orës 14:22, gjatë një konflikti për një vend parkimi, ka goditur disa herë me thikë shtetasin Skerdilajd Isufi, 48 vjeç. Si pasojë e plagëve të marra, Isufi ka humbur jetën.
Policia bëri me dije se është gjetur dhe sekuestruar në cilësinë e provës materiale mjeti prerës (thika) me të cilin dyshohet se u krye krimi. Materialet procedurale i janë referuar Prokuroria e Durrësit për veprime të mëtejshme hetimore.
