Presidenti i SHBA-së, Donald Trump, njoftoi se po bashkëpunon me guvernatorin e Luizianës, Jeff Landry, të cilin e ka emëruar si të dërguar të posaçëm për Groenlandën, për të dërguar një spital lundrues në ishull. Sipas Trump, kjo iniciativë është pjesë e përpjekjeve për të rritur praninë dhe ndikimin amerikan në territorin autonom të Mbretërisë së Danimarkës.
Plani u bë publik përmes një postimi të presidentit në platformën e tij Truth Social, ku ai ritheksoi qëllimin e tij për të fituar kontrollin strategjik të Groenlandës. Deklarata e tij ka ngjallur debate ndërkombëtare mbi interesat amerikane në Arktik dhe sigurinë e territorit danez.
