Një ngjarje e rëndë është regjistruar në Itali, ku një 20-vjeçar shqiptar, i identifikuar si Rikardo Mekuri, dyshohet se ka sulmuar brutalisht nënën e tij, Albana Mekuri, në banesën e tyre në Civitanova. Sipas mediave italiane, incidenti ndodhi mbrëmjen e së premtes rreth orës 21:00, kur në shtëpi ndodheshin vetëm viktima dhe i riu, ndërsa babai dhe djali tjetër nuk ishin prezent. Një fqinjë njoftoi karabinierët pas dëgjimit të britmave, dhe gruaja u gjet pa ndjenja në tualet, transportuar me urgjencë në spitalin e Maceratës, ku mjekët konstatuan frakturë në nofull, gjendja e saj raportohet e rëndë, por jashtë rrezikut për jetën.
Pas sulmit, Rikardo Mekuri u largua nga banesa, duke lënë telefonin celular të sekuestruar nga hetuesit. Automjeti i tij u gjet i parkuar pranë hyrjes së portit të Civitanovës, ndërsa pamjet e kamerave të sigurisë tregojnë të riun duke hyrë në zonën portuale dhe më pas duke u hedhur në det, ku u zhduk nga vëzhgimi. I riu akuzohet për plagosje të rëndë me rrethana rënduese, ndërsa hetuesit nuk e kanë bërë ende të qartë fatin e tij. Në kërkim janë angazhuar zjarrfikësit me njësinë e zhytësve, Garda Bregdetare dhe karabinierët, të cilët po vijojnë operacionin pa ndërprerje. Autoritetet po hetojnë dhe janë kërkim të të riut.
