Një situatë e rëndë është shënuar në juglindje të vendit, ku një grua ka humbur ndjenjat pasi ka qëndruar e bllokuar për disa orë në rrugë, mes kushteve të vështira dhe mungesës së qarkullimit.
Sipas informacioneve paraprake, trafiku i rënduar dhe pengesat në aks kanë bërë që dhjetëra mjete të mbeten të bllokuara për një kohë të gjatë. Mes tyre ndodhej edhe gruaja, e cila në gjendje paniku dhe lodhjeje i ka kërkuar ndihmë policisë me fjalët: “Më gjeni një rrugë të iki në shtëpi!”
Dëshmitarë në vendngjarje bëjnë me dije se pas disa orësh pritjeje, ajo ka shfaqur shenja dobësie dhe më pas ka humbur ndjenjat. Personat pranë saj kanë ndërhyrë menjëherë për t’i dhënë ndihmën e parë, ndërsa është njoftuar edhe ambulanca.
Ngjarja ka shkaktuar reagime të shumta, me qytetarë që kërkojnë ndërhyrje më të shpejtë dhe masa konkrete për të shmangur situata të tilla në të ardhmen.
View this post on Instagram
