Moderatori i njohur Alaudin Hamiti, ka rënë pre e një sulmi fizik në Prishtinë.
Ngjarja ka ndodhur teksa Hamiti po hynte në ambientet e një marketi. Pamjet që po qarkullojnë në rrjetet sociale tregojnë momentin kur një person i afrohet dhe e sulmon moderatorin. Pas sulmit, Hamiti vrapon brenda marketit, ndërsa dëgjohet duke thënë: “A je bre normal?”
Deri tani, rrethanat e plota të incidentit nuk janë bërë të ditura.
Ngjarja ka shkaktuar reagime të shumta në rrjetet sociale, ku ndjekësit kërkojnë sqarime dhe ndërhyrje nga autoritetet për zbardhjen e plotë të ngjarjes.
