Një breshkë deti është gjetur e ngordhur ditën e sotme në bregdetin e Qerretit. Pamjet e mbërritura në redaksinë e JOQ ALBANIA tregojnë trupin e pajetë të breshkës, e cila sipas dëshmitarëve ishte me përmasa të mëdha.
Ende nuk dihen shkaqet e ngordhjes dhe as prej sa kohësh ndodhej në breg. Dyshohet se dallgët e mëdha mund ta kenë nxjerrë në bregdet, ndërsa nuk përjashtohet as mundësia që ngordhja të ketë ardhur si pasojë e ndotjes së ujit apo faktorëve të tjerë.
Vlen të theksohet se kohët e fundit në bregdetin shqiptar janë konstatuar disa raste të krijesave ujore të gjetura të ngordhura, duke ngritur shqetësime mbi gjendjen e mjedisit detar.
