Një qytetar ka dërguar një denoncim në redaksinë tonë duke shprehur shqetësimin e tij për ndotjen që shkaktoi një furgon në autostradën Tiranë-Durrës.
Në pamje mund të shihni se si furgoni lëshon tym të zi dhe të dendur duke mbuluar rrugën dhe penguar dukshmërinë për drejtuesit e tjerë.
Ai thekson se nga tymi i dendur nuk mund të dallohen as targat e furgonit dhe kjo situatë paraqet rrezik serioz për shoferët, sigurinë në trafik por edhe ndotjen e mjedisit.
Denoncimi vjen ndërsa shqetësimet për cilësinë e ajrit dhe automjetet që nuk respektojnë normat po shtohen në vend, duke bërë thirrje për ndërhyrje nga autoritetet përkatëse.
