Teksa qytetarët e Tiranës po shijonin sot ecjen e mëngjesit tek Liqeni Artificial, syri i kalimtarëve ka kapur një moment që nuk shihet përditë.
Në pamjet e dërguara pranë redaksisë sonë, një zotëri shfaqet duke kryer disa ushtrime të vështira, i varur "kokëposhtë" në një nga strukturat e drunjta të zonës. Me një elasticitet që do ta kishte zili çdo i ri, ai duket krejtësisht i përqendruar në misionin e tij.
Pyetja që lindi natyrshëm tek dëshmitarët ishte: A është ky një regjim i ri stërvitjeje "anti-gravitet"? Apo zotëria po bën përgatitjet e fundit fizike dhe emocionale për festën e Shën Valentinit nesër?
Pavarësisht motivit, energjia e tij është për t’u admiruar. Në një kohë kur të gjithë ankohemi për lodhje, ky zotëri na tregon se mosha është thjesht numër dhe se "palestra" më e mirë është ajo në natyrë.
