Kuvendi i Kosovës miratoi dje një rezolutë që kërkon nga Gjykata Speciale një proces gjyqësor të drejtë.
Ndonëse rezoluta kaloi me shumicë votash, partia e drejtuar nga Lumir Abdixhiku, LDK-ja, nuk mori pjesë në votim.
I pyetur për këtë “heshtje” të partisë, Mustafa u përgjigj shkurt: “Përgjigjen do duhej ta merrni nga politikëbërësit aktualë të LDK-së”.
Ndryshe, gjatë ditës së sotme, LDK-ja ka reaguar për media pas refuzimit për të votuar rezolutën në Kuvend, e cila kishte të bënte me mbrojtjen e krerëve të UÇK-së në Hagë.
Refuzimi erdhi pasi Kuvendi nuk miratoi kërkesën e LDK-së që në rezolutë të përfshihej edhe çështja e zbardhjes së vrasjeve të pasluftës në Kosovë.
