Qytetarët shqiptarë në Itali po përballen me pritje të gjata dhe procedura të ngadalta në Ambasadën e Shqipërisë në Romë.
Sipas denoncimit të një qytetari, që nga ora 09:00, shqiptarët po presin në radhë pasi sistemi i ambasadës është bllokuar.
Dhjetra nëna me fëmijë të vegjël janë në radhë, ndërsa takimet e parashikuara për sot priten të mbyllen në orën 14:00 duke lënë shumë qytetarë pa marrë shërbim. Shumë prej tyre kanë udhëtuar nga qytete të ndryshme të Italisë, duke paguar për hotele dhe transport, dhe megjithatë u është thënë se do të kontaktohen një tjetër ditë për shërbim.
Qytetari thotë se kjo është absurde, duke theksuar shqetësimin për mënyrën e trajtimit të shqiptarëve në institucione jashtë vendit.
Denoncimi i qytetarit:
Ambasada shqiptare ne Rome Qe nga ora 9 lene qytetaret te presin. Pasi sipas tyre eshte bllokuar sistemi. Dhjetra nena me femij te vegjel qe presin ne rradhe
Keshtu trajtohen shqiptaret ne ambasada. Akoma rradha eshte shume e gjate. Dhe kto ne oren 14:00 i mbyllin takimet. Dhe po procedojn ne menyr super te ngadalt. Njerzit kan ardhur nga e gjith italia , disa kan paguar hotele , transport etj dhe i thone qe do ju thrasim nje dit tjeter Eshte absurde
