Një tentativë grabitjeje me armë zjarri është regjistruar në Tiranë, në zonën e ish-parkut të autobusëve. Sipas informacioneve paraprake, ngjarja ka ndodhur në një filial të bankës “Fibank”.
Mësohet se një nga autorët ka qëlluar një herë me armë, ndërsa në vendngjarje është gjetur një gëzhojë. Pavarësisht përpjekjes, autori nuk ka arritur të marrë para.
Burime bëjnë me dije se ai është neutralizuar dhe arrestuar nga efektivët e Komisariatit nr. 2, të cilët kanë ndërhyrë menjëherë në vendngjarje.
Aktualisht, zona është rrethuar nga forca të shumta policore, ndërsa vijojnë hetimet për të zbardhur plotësisht dinamikën e ngjarjes dhe për të verifikuar nëse ka persona të tjerë të përfshirë.
