Një tjetër rast i një personi të humbur ka mbërritur në redaksinë e JOQ Albania, këtë herë nga qyteti i Korçës.
Një familjare ka kërkuar ndihmën e qytetarëve për gjetjen e Agim Dejos, 72-vjeç, me të cilin kanë humbur kontaktet. Sipas saj, ai është parë për herë të fundit pranë banesës së tij në Lagjen 4 në Korçë.
Familjarët bëjnë me dije se është bërë kallëzim në polici, por deri më tani nuk kanë marrë informacion të ri mbi vendndodhjen e tij, ndaj po kërkojnë ndihmën e qytetarëve përmes publikimit të rastit.
Për çdo informacion që mund të ndihmojë në gjetjen e tij, jeni të lutur të kontaktoni në këtë numër telefoni: +355 67 742 9532.
Ky është rasti i tretë i një personi të humbur i raportuar në redaksinë tonë brenda pak orëve. Fatmirësisht, rasti i parë, i një zonje të moshuar që vuante nga skleroza, u mbyll me lajmin e mirë se ajo u gjet shëndoshë e mirë. Ndërkohë, 77-vjeçari nga Elbasani vijon të jetë i humbur.
Apelojmë për solidaritet qytetar: çdo informacion, sado i vogël, mund të jetë vendimtar për t’i rikthyer pranë familjes.
